Drakúla er stoltur

Það er rosalega gaman að lesa færslu Viðars Eggertssonar www.eggmann.blog.is af ævintýrum sambýlismanns hans.....

 

Erlent glæpagengi stal fiskveislu

Sumar, gull og bleikt

 Ég ætla að pakka þunglyndislegu svörtum skóm sem tilheyra vetrinum.                                          

Ég ætla ekki í græna flauelisjakkann minn (hvað þá þann svarta eða brúna) fyrr en í haust.             

Ég er búin að kaupa mér gullskó, gulltösku og ótrúlega bleikan gloss.                                              

Ég er búin að fá mér strípur og er ný klippt. Ég er algjör pæja.                                                          

Ég ætla að kaupa mér fleiri skó, gylta, græna, og bleika.                                                            

Ljósan sumarjakka og taka á móti sumrinu fagnandi.                                                               

Húrra!!!!! 

Alls ekki frétt

Það er þessi frétt stöðvar tvö að Steingrímur J. vilji fjölga bruggverksmiðjum. Þeir sýndu Steingrím í Kastljósi sjónvarpsins. Þar tekur Steingrímur bruggverksmiðjuna í Eyjafirði sem dæmi um atvinnutækifæri. Nefnir ekki einu orði að hann vilji fjölga bruggverksmiðjum.

Svo sögðu þeir að þetta væri skrýtin afstaða hjá Steingrími þar sem hann vildi 1988 ekki leyfa sölu bjórs.  Halló - það eru nær 20 ár síðan greitt var atkvæði um málið á Alþingi.

 

Hopp og skopp

Búið að setja trampólínið upp. Nú verður stuð í Snekkjó.....

Ég og Anna Kristjánsdóttir

Við bloggvinkonurar erum báðar í Blaðinu dag. Fínt viðtal við Önnu. Þetta hefur greinilega verið heilt helvíti.

Ég er á einhverri innsíðu að tjá mig um Júrovisjón.

Ég er svooooooo fjölhæf!

Ef ég er ekki að tjá mig um öryggi barna og annara í umferðinni, þá er ég júróvisjón sérfræðingur eða kirkjukóra allt

Dumb and dumber

Ég var í Smáralindinni í gær. Þar gaf ég mig á tal við vörpulegan mann sem ég hef aldrei hitt fyrr:

"Afsakið - en má ég spyrja þig hvar þú fékkst þennan bol"

"Ég keypti hann í New York"

Þetta var svona venjuleg T-shirt - blá að lit. Það voru aftur á móti myndirnar á bolnum og það sem fyrir neðan þær stóð sem vakti athygli mína.

 Á bolnum voru myndir af Bush feðgum og fyrir neðan myndina af forsetanum fyrverandi stóð Dumb.

Hvað haldið þið að hafi staðið fyrir neðan myndina af núverandi Bandaríkjaforseta?

Auðvitað Dumber

Þetta er snilld og ég auglýsi eftir svona bol!

Spariball

Haldið var spariball í Vogaskóla þar sem miðstigið mætti í sínu fínasta pússi. Hér er Bryndís mín(lengst til vinstri) og bekkjarsystur

Tony Blair

10 ár síðan hann tók við. Ég man hvað allir voru glaðir þegar tókst að koma íhaldsflokkum frá og þessi glaðlyndi ungi maður tók við stjórnartaumunum.

Nú segja sérfræðingar að hans verði helst minnst vegna tengsla sinna við Bush og vegna Íraks stríðsins. Þetta er sorglegt. Mikið hlakka ég til þegar ný stjórn verður komin hér á landi og við förum af lista hinna staðföstu þjóða. Það hlýtur að verða eitt af fyrstu verkum nýrrar vinstri stjórnar sem ég efast ekki um að tekur við eftir kosningar. 

Mánuðurinn framundan

Góður mánuður framundan.

Umferðarskólinn er kominn á fullt skrið í Reykjavík og Kópavogi. Lögreglan og leikskólakennarar fara í hvern skóla - 4 á dag - og hitta börnin. Síðan koma hin sveitarfélögin í kjölfarið.

Í næstu viku eru síðan tveir stórviðburðir; Júróvisjón og kosningar.

Ég er að vinna bæði við forkeppnina og aðalkeppnina og hef mikla trú á mínum manni. Gulli minn á fullu í kosningasjónvarpinu.

Þegar mesti hasarinn er liðinn hjá ætlum við til Barcelona í 5 heila langa hlýja daga.

Ég hef ekki komið þangað áður og hlakka mikið til. Ég auglýsin hér með eftir nöfnum á veitingahúsum og öðru skemmtilegu sem vert er að sjá og gera í Barcelóna - eða Barlesóna eins og sagt var í Perlum og Svínum.

Þessu trú ég nú bara ekki!!!!

Þetta er flott lag og Eiríkur er ómótstæðilegur - ekkert annað

Ekki hrifnir af Eiríki og Valentine Lost