Fyndið - eða þannig

Ég heyrði í Hannesi Hólmsteini í gær mæra Ingibjörgu Sólrunu. Hann hefur hingað til ekki vandað þessari mætu konu kveðjurnar en nú er hún rosalega góð, klár, mild,skynsöm og virkilega góður samstarfsmaður.

Þetta er aumkunarvert. Ég hef nú sjaldnast verið sammála Hannesi Hólmsteini, en ég hef ekki haldið hann vitlausan fyrr en nú. Nú er allt í lagi með Sollu af því að flokkurinn er að fara í samstarf við hana.

Ingibjörg Sólrún er frábærlega frambærileg manneskja og ég verð mikið mikið mikið fegin þegar hún verður orðin ráðherra.

Húrra fyrir Sollu!!!!!! Ekki spillir fyrir að hún er alin upp í hverfinu og lék sér hér í Litlu götu......Húrra fyrir Vogahverfinu

Orðið er erfitt

Atlandshafshryggnum, grannt, fátíðir móðuharðindunum, hvarflar, skjálftavirkni, Hengli,duttlungar, eldkeilnanna, gígana, eimyrja, spýja, heimsstyrjaldarinnar, heyannir, feiknamikil, eystri, Álftaveri, uggði, hvissandi, ályktaði, setunnar, Héðin, geysieinbeittan, fylgdi, Hólmsárbrúnni, gilbarmsins, úttaugaður, hyldýið, yngissveinninn hlýtur´,

Áttundibekkingurinn minn er að fara í stafsetningar próf og þetta eru feitletruðu orðin í einni æfingunni sem þau eiga sérstaklega að æfa......

 

Typpi eða píka

Formaður frjálshyggju félagsins segir í blaðinu í dag að kynferði eigi ekki að skipta máli þegar kemur að því að raða á ráðherra stólanna. Ef kynferði skiptir ekki máli mega þá ekki allir ráðherrar vera annað hvort kallar eða konur? Nei það gengur ekki því það eru næstum jafn margir karlar og konur í landinu.

San Fransisco balletinn

Ég fór á sýningu í gær og hún var hreint út sagt stórfengleg. Þvílíkir dansara og þvílík fegurð. Áhorfendur tóku andköf. Ég var upprifin og óðamála þegar heim kom. Ég held að það sé allt uppselt en ef ekki þá reynið endilega að fá ykkur miða. Það verður engin svikin af þessari sýningu.

Uppáhalds dansarinn minn var kínverska stúlkan Yuan Yuan Tan. Alveg sérlega þokkafull og eins og svanur.

http://www.youtube.com/watch?v=QEKJdMvtR1U

Barcelona

Nú er borgin Barcelona handan við hornið. Mikið hlakka ég til. Við ætlum að slappa verulega af, skoða þessa fallegu borg, ganga um stræti og torg og borða góðan mat. Ég er nú þegar búin að panta borð á tveim stöðum en svo sjáum við til.

Svo er það tapas og hvítvín og andlitið oní korti og túrista bussar. Ég ætla líka að kaupa mér skó -  fullt af skóm.

Kjördagur og júró

Fallegur dagur. Ég er upp á RÚV og bíð eftir að útsending byrji frá Helsinki.

Ég sá loka æfinguna í morgun og þetta er flott show. Ekki hægt að neita því. En verulega leiðinlegt að við verðum ekki með í úrslitakeppninni.

Við fórum mæðgurnar í bæinn í gær og sáum risessuna - þvílík stærð og fullt af fólki. Mamma bauð okkur á Mokka á eftir og mikið var gaman að koma þangað aftur. Kakóið og vafflan á sínum stað. Það var gaman að útskýra það fyrir barninu að þessi staður hefði ekkert breyst í meira en 50 ár. ÉG ætla bráðum aftur á Mokka

Andsk...

Þetta er með ólíkindum.

Á fimmta hundrað ökumanna teknir fyrir hraðakstur á einum sólarhring

Júróvisjón -stóri dagurinn

Ég var að koma ofan úr sjónvarpi og horfði á lokaæfinguna fyrir kvöldið. Okkar maður stóð sig vel; ekkert fum og fát og óþarfa hreyfingar - sterkur og flottur.

Mér finnst ómögulegt að spá um hverjir fara áfram í kvöld. Mörg laganna eru hundleiðinleg og sum illa flutt. Ég er þó búin að punkta hjá mér nöfn nokkur sem mér finnst líklegt að nái áfram. Spennandi að vita hvort ég verð sannspá:

Króatía, Hvita Rússland, Noregur, Ungverjaland, Danmörk, Slóvenía, Austurríki og Ísland.

Þetta eru átta lög en alls komast 10 áfram.

Svo er bara að koma sér í stellingar klukkan 19:00.

Klukkan tifar, klukkan tifar...

Rúmlega 03:00, ég get ekki sofið og þarf að fara á fætur eftir tæpa þrjá tíma......ekki spennandi tilhugsun....

Rusl og drasl

Mikið af því í sjónvarpinu. Og á þetta horfi ég. Mér finnst ég sérlega drusluleg þegar ég hef horft á Trading Spouses. En hvað er það sem fær mann til að horfa á svona þætti. Er það gamanið að horfa á ófarir annara? Er þetta kannski gæju þörfin hjá manni. Svipað því að hafa gaman af að lesa slúður.