Helgi Hóseasson

Hvernig er þetta með Helga og skírnina; er virkilega ekki hægt að afskíra hann eins og hann óskar? Hvað segja kirkjunar menn?

Ég finn til með þessum gamla manni. Mikið held ég að síðustu æviár hans yrðu honum bærilegri ef hann fengi að afskírast.

Maðurinn hefur átt mjög erfiða æfi og ég óska þess heitt og innilega að hann fá þessa ósk sína uppfyllta.

Athugasemdir

[Haukur Nikulásson, 25.7.2007 kl. 13:06]

Af hverju sagðirðu þetta ekki fyrr: "Hér með afskíri ég Helga Hóseason og lýsi hann alfrjálsan og óháðan í trúmálum sínum eða trúleysi."

Kristín, þessi yfirlýsing frá mér er jafngild yfirlýsingu frá hverjum sem er, hvort sem það væri prestur, prófastur, biskup, kirkjumálaráðherra eða forsetinn sjálfur. Þeir hafa ekkert frekar umboð í trúmálum en ég.

Helgi þarf heldur ekki á minni yfirlýsingu né neinna annarra að halda. Hann er fastur í mótmælum sínum og verður ekki hnikað svo mikið er víst. Vandamál Helga eru ekki afskírn heldur hans innri andlega líðan sem er því miður ekki með besta móti. Helgi er ekki bara að mótmæla þessu skírnarmáli, heldur öllu sem honum bara dettur í hug sbr. skiltið BUSH-DAVI-DORI, sem ég er þó undarlega sammála honum með!

[Kristín Björg Þorsteinsdóttir, 25.7.2007 kl. 13:11]

Þó að þessi yfirlýsing nægi þér þá held ég að Helgi vilji að kirkjan lýsi því yfir að hann sé ekki lengur skírður til kristinnar trúar.

Í morgun var hann með brennandi kirkju skiltið á horninu.

Það skiftir engu máli þó hann haldi áfram að mótmæla - ég vildi bara að hann fengi að afskírast og kannski liði honum betur á sálinni.

[Jens Guð, 5.8.2007 kl. 01:52]

  Ég hef algjöra samúð með málstað Helga.  Að vísu er málstaður hans litaður af þráhyggju um eitthvað sem skiptir annað fólk engu máli.  En það er jafnframt afhjúpandi fyrir fasíska afstöðu kirkjunnar að leyfa blessuðum manninum ekki að afskírast.

  Þetta skiptir hann máli en ætti ekki að vera neitt mál af hálfu ríkiskirkjunnar.  Ég stend með Helga í þessari deilu.