Helgi - nammi namm

Allt í rólegheitum hér. Erum þrjár saman mæðgurnar því Gulli er að stjórna útsendingu á landsleiknum á Laugardalsvelli.

Lagði mig eftir vinnu í gær - dásamlegt. Eldaði mexíkóskt og fékk mér Corona bjór með. Líka dásamlegt. Kóræfing í morgun og sótti síða Bryndísi mína í karate. Fór með þeirri eldri í forgarð helvítis (Kringuna) og fengum tvö pör af skóm á skólausa stúlkuna í Kaupfélaginu. Hún keypti sér síðan fyrir sumarhýruna sína flotta Adidas peysu með gullnum stöfum. Nú er pasta í potti. Rólegt kvöld framundan og messa í fyrramálið.

Klukkan 12:30 á morgun ætlum við systkin og mamma að hittast við leiðið hans pabba í Fossvogskirkjugarðinum og skoða legsteininn sem mamma var að kaupa og lét koma fyrir þar.

Athugasemdir

[Inga Dagný Eydal, 9.9.2007 kl. 12:03]

Æ mikið er ég sammála þér um nafngiftina "forgarður Helvítis". En hvað er þá Smáralindin.....? Haltu áfram að njóta helgarinnar Kristín mín!

[Kristín Björg Þorsteinsdóttir, 9.9.2007 kl. 15:44]

Mér finnst Smáralindin skárri en Kringlan. En yfirleitt forðast ég svona verslunarmiðstöðvar. Það er líka eitthvað í Kringlunni - líklegast einhver hávaði eða truflun í loftræstikerfinu - sem gerir mig svo skratti dónalega þegar ég er þarna inni Mér finnst ég hafa veiðileyfi á allt afgreiðslufólk og verð hin illvígasta. Það gekk samt ágætlega í gær og ég sleppti mér hvergi.

Já helgin er yndisleg......hér er allt svo rólegt og gott. Ég er með góða bók - nýjasta bókin eftir hina sænsku Lackberg- og orna mér við hana...

[Guðni Már Henningsson, 9.9.2007 kl. 20:50]

Ég veit af hverju þér líkar betur við Smáralindina; Það eru svo langir gangar þar að það væri hægt að hjóla á þeim Gott að sjá þig hér kæra vinkona...bið að heilsa Gullanum...

[Anna Ólafsdóttir (anno) (IP-tala skráð) 10.9.2007 kl. 00:34]

Ég er fegin að sjá að þú ert alive and well eftir síðustu bloggfærsluna þína, þ.e.a.s. eldhafið í kommentakerfinu

[Gunnhildur Vala (IP-tala skráð) 10.9.2007 kl. 16:31]

Tad liggur vid ad eg sakni forgard helvitis. Her er sko ekki haegt ad kaupa bodleg fot og eg er fyrir longu komin med oged a minum atta flikum eda svo.

Bid ad heilsa heim...

[Kristín Björg Þorsteinsdóttir, 10.9.2007 kl. 17:02]

Já -  ég er á lífi og líður alveg dægilega - þakka þér fyrir Anna mín.

Mikið er eitthvað notalegt að sitja hér og hlusta á vindinn gnauða útifyrir. Ekta haustveður.