Hver tekur mark á þessum manni!!

Bíðið við - sat ekki Halli lesbók á kné Bíbí þegar hann kom og heimsótti pabba sinn í vinnuna?

Stóryrði og hrakspár Jóhanns „óvenjulegar“

Ég efast ekki um að þetta er hið fróðlegasta viðtal

Það sem ég aftur á móti hnaut um er þetta hér........" hefði orðið níræður um þessar mundir ef honum hefði enst aldur til."

 

Ólafur Jóhann: Við feðgar vorum mjög nánir

Skil þetta ekki alveg!!!

Ekki skil ég alla þessa mærð vegna Staðarskála! Aldrei hefur þessi sjoppa haft aðdráttarafl fyrir mig og ég held ég hafi einu sinni heimsótt klóið þar.

Öðru máli gegnir með Brú sem var rifin fyrir nokkrum mánuðum. Það var frábær vegabúlla og þar var gott að stoppa - enda stoppaði allt mitt fólk þar í gegnum tíðina. Lítil, vinaleg og þægileg.

Staðarskáli á nýjum stað

Skvísan ég

"Ég er rosaleg skvísa" muldraði ég þegar ég klæddi mig í leðurstigvél í morgun.

Eldri dóttirinu tók undir það en bætti síðan við "Þú værir enn meiri skvísa ef þú hlustaðir á FM 957 og reyndir að róa þig aðeins með fréttir. Og líka ef þú málaðir þig meira og létir hárið vaxa og ættir fullt af ilmvötnum"

Þá vitum við hver leiðin er í skvísuna.....

Grúppía

Með þessum strákum í Buffinu var ég alla helgina. Þetta eru krúttlegustu, skemmtilegustu, bestu, sætuSTU, flinkustu og dásamlegustu hljómsveita gæjar sem ég þekki.

Ég fílaði mig rosalega vel sem grúppía. Ég varð fimmtug í mars svo þarna á svo sannarlega við máltækið: Betra er seint en aldrei

TAKK FYRIR HELGINA ELSKU DRENGIRNIR MÍNIR..... 

Klukk og fleira

Langt síðan ég hef bloggað enda búið að vera klikkað að gera síðan ég kom heim frá Kína. Svo er það London á morgun - gaman gaman gaman

En allavega þá hafa báðar þessar konur [e-mail] og www.krissa1.blog.is og ég svara kallinu:

 FJÖGUR STÖRF

Dagskrárgerðarmaður í útvarpi og sjónvarpi

Týndi jarðarber í Noregi

Afgreiddi í Jóabúið í Kópavogi sumarið 1974 þegar ég var 16 ára

Fræðslufulltrúi og slysaskráning hjá Umferðarstofu síðan 2003

FJÓRAR BÍÓMYNDIR

Stikkfrí - að sjálfsögðu - Bryndís mín í stóru hlutverki

The Sound of Music - þarf ekki að útskýra

The Godfather eitt og tvö

Engar Alheimsins

 

FJÓRIR STAÐIR SEM ÉG HEF BÚIÐ Á

Hófgerði 26 í Kópavogi - þangað flutti fjölskyldan ég eins árs gömul og bjó þar til ég var átján ára

Ithaca NY - þar bjó ég í tvö ár og stundaði nám í Ithaca College

Fálkagata 21 - 2. hæð til vinstri. Þangað fluttum við Gulli af Öldugötunni og þar var heimili dætranna fyrstu árin

Snekkjuvogur 9 - þar búum við núna

 

FJÓRIR SJÓNVARPSÞÆTTIR

Fréttir, fréttir, fréttir

Desperet Housewifes

Breskir sakamálaþættir

SingingBee

 

FJÓRIR STAÐIR Í FRÍ

Flórída

London

Pragh

Kína

 

MATUR

Rjúpur

Heimilispizzan

Indverskt

Pasta, núðlur, hrísgrjón

 

 

Skotarnir

Hér þramma þeir í pilsunum sínum um Borgartúnið - hver öðrum sætari....það búa margir greinilega á Cabin - hótel.

 

Sara Palin

Hvernig er hægt að taka manneskju alvarlega sem trúir sköpunarsögunni?

Mikið eru repúblikanar á vitlausri leið ef þeir halda að Palin sé eitthvað sem hægt sé að jafna saman við Clinton.

Og nú held ég að það sé alvarlega að koma í hausinn á henni að vilja ekki kynfræðslu í skólum.

Mér þykir þetta val rebúblikanan á varaforsetaefni sorglegt og alvarlegt.

Cindy McCain tekur ekki undir skoðanir Palins

Ég hlakka til

Já mikið hlakka ég til að sjá stelpurnar mínar á laugardag!! Á morgun fljúgum við til Frankfurt og svo þaðan heim á laugardag.

Ég hef aldrei verið svona lengi í burtu frá þeim. 16 daga.

En það hefur ekki væst um þær. Bróður minn, bróðir Gulla, amma þeirra, frændur og frænkur og vinir hafa umvafið þær. En þær sakna nú samt mömmu sinnar og pabba - hann hafa þær ekki séð síðan 31. júlí.

En mikið hefur verið gaman og gott að vera með sínum - og bara sínum - í rúmar tvær vikur.

Ágætur hrekkur!

Við vorum einmitt við Terracotta hermennina í fyrradag. Við keyptum líka svona "kalla" fimm saman í öskju. Nú veit ég í hvað hægt er að nota þá......

En þessi her er hreint stórkostlegur. Fannst af þrem bændum í mars 1974. Tveir þeirra eru enn á lífi og sá yngri þeirra er 78 ára. Hann var gerður brottrækur í þorpinu nokkur eftir að fornleifarnar fundust því nágrannar hans voru svo reiðir honum fyrir að stuðla að því að landið þeirra var grafið upp.

Í laun frá ríkinu fékk hann sem svarar einum mánaðarlaunum.

Mörgum árum seinna var honum tekið sem þjóðhetju í þorpinu sínu því að fundurinn hefur bætt lífskjör bænda þarna mikið. Nú búa þeir í húsum sem byggð voru rétt við útgang safnsins og selja þar uppskeru sína og annað dót.

Þessi öldungur hefur nú vinnu við að sitja í einni af byggingum safnsins og skrifa nafnið sitt í bækur um safnið sem við túristar kaupum. Hann mætir svona þegar hann er upplagður og var einmitt þarna í fyrradag. Við keyptum að sjálfsöðu bók af kempunni og hann skrifaði nafnið sitt í hana.

Það er eina táknið sem hann kann að skrifa.

Læddi leirher í fornleifaskurð