Stolið af Baggalút

Ný fatalína Hannesar Smárasonar slær í gegn

Hér sést breskur viðskiptamógúll klæddur „Hannes style“.

Ekki virðist allur vindur úr seglum íslensku útrásarinnar, því ný fatalína Hannesar Smárasonar hefur slegið í gegn á erlendri grund.

Fatalínan, sem ber nafnið NewEmperor 2008, fer nú sem eldur í sinu um tískuheiminn og keppast allir sem eitthvað eru (eða voru) við að skarta klæðum frá Hannesi.

Einkum eru það ungir karlmenn sem hafa farið mikinn í viðskiptalífinu undanfarið sem falla fyrir einstakri og frumlegri hönnun Hannesar.