Skil þetta ekki alveg!!!

Ekki skil ég alla þessa mærð vegna Staðarskála! Aldrei hefur þessi sjoppa haft aðdráttarafl fyrir mig og ég held ég hafi einu sinni heimsótt klóið þar.

Öðru máli gegnir með Brú sem var rifin fyrir nokkrum mánuðum. Það var frábær vegabúlla og þar var gott að stoppa - enda stoppaði allt mitt fólk þar í gegnum tíðina. Lítil, vinaleg og þægileg.

Staðarskáli á nýjum stað

Athugasemdir

[Ragga Thorst (IP-tala skráð) 25.9.2008 kl. 13:14]

Þarna er ég algjörlega sammála þér. Kem til með að vera með grátstafinn í kverkunum næst þegar ég kem niður af Holtavörðuheiðinni.

[Linda Linnet Hilmarsdóttir, 25.9.2008 kl. 21:44]

Knús knús á þig elskulegust og góða nóttina

[Helga (IP-tala skráð) 26.9.2008 kl. 08:11]

Já, eins og Þórarinn Eldjárn segir, skiptist þjóðin í tvo flokka, staðarskálatýpur og brúartýpur. Hann hlýtur að klóra sér í hausnum núna, þegar Brú er farin. Ég vann í Brú sjö sumur, mamma vann þar og systur mínar eitthvað líka. Kaupfélagið átti skálann og pabbi var í stjórninni, svo að hann var stór þáttur í lífi okkar. Samt sakna ég hans ekkert að ráði því eftir að hann komst í eigu Staðarskála og svo N1 var hann bara látinn drabbast niður. Fyrir utan það að með vaxandi aldri og þroska hefur andúð mín á vegasjoppum með rándýran og vondan "mat" farið hraðvaxandi.

[Helga Magnúsdóttir, 26.9.2008 kl. 16:03]

Sama segi ég.

[Kristín Björg Þorsteinsdóttir, 26.9.2008 kl. 16:29]

En segðu mér Helga Jóns - er ekki svakalega mikill umferðarþungi núna við Mela?

[Helga (IP-tala skráð) 27.9.2008 kl. 00:25]

Biddu fyrir þér, jú, reyni ekki heldur að lýsa fyrir þér hvernig er að eiga við Vegagerðina. En svona er þetta, virkjanir, vegir og allt slíkt valtar yfir almenning og gjarnan haft í smáskömmtum svo sleppa megi við umhverfismat.

(Skýringin á þessum ókristilega tíma athugasemdar er sú að ég var að koma úr fimmtugs+sjötíu og fimm ára afmæli frænda minna)