Ammæli

Laugardaginn 12. ágúst 1995 vaknaði 37 ára gömul kona á Fálkagötunni. Hún var hreint út sagt alveg rosalega ólétt og rosalega þreytt. Lítið tár læddis niður vangann og á koddann. Æi hvað hún óskaði þess að stúlku barnið kæmi í heiminn í dag. Frammi voru eiginmaður og rúmlega tveggja ára dóttir.

Ég var orðin óskaplega þreytt og gat ekki meir. Dagurinn leið einhvernveginn; við fórum í bíltúr, ég lagði sig, við fóru á Listasafn Íslands á myndlistarsýningu, ég lagði mig, við fórum að kaupa ís og ég lagði mig eftir það, ég fór í tjekk á fæðingardeildina og ég lagði mig eftir það.

Gulli stakk vorrúllum í ofninn og sauð grjón. Eftir kvöldmatinn fór ég aftur í tjekk því eitthvað var ekki alvegi eins og það átti að vera í hádeginu.

Það skipti engum togum; bráðkeisari ákveðin, ég svæfð með látum og barnið komið í heiminn klukkan 21:30.

Ég vaknaði úti á spítala í gjörgæslu og Gulli kom með poloroid mynd af afskaplega horðari og langri stúlku með stór, stór, stór augu.

Ég fékk hana ekki í fangið fyrr en 16 tímum seinna. Það er eitt það erfiðasta sem ég hef gengið í gegnum. Að vera skorin með látum og sjá svo ekki barnið í marga, marga tíma.

Hún var ósköp varnarlaus krílið mitt þar sem hún lá tengd við tæki og tól á vökudeildinni.

   Þetta er stúlkan okkar í dag; Bryndís Sæunn Sigríður Gunnlaugsdóttir.

Hana prýðir allt sem prýtt getur eina stúlku; hún er góð, fallegt, kát, bóngóð, dugleg, klár, skemmtileg, geðgóð, glöð - hvað get ég sagt meira1

TIL HAMINGJU MEÐ DAGINN ELSKU STÚLKAN OKKAR........

Athugasemdir

[Hildigunnur Rúnarsdóttir, 12.8.2008 kl. 08:34]

Til hamingju með daginn

[siggahg (IP-tala skráð) 12.8.2008 kl. 10:55]

Til hamingju með hana - ljónin eru flottust!

[Linda Linnet Hilmarsdóttir, 12.8.2008 kl. 14:49]

Til hamingju með daginn elsku Bryndís og elsku fjölskylda til hamingju með stelpuna

knús knús og bestu kveðjur frá okkur.Linda,Gunnar og dætur

[Laufey (IP-tala skráð) 13.8.2008 kl. 08:56]

Innilega til hamingju með daginn!

[Unnur (IP-tala skráð) 13.8.2008 kl. 11:19]

Til hamingu með skvísuna ykkar - mikið er hún sæt. Á svosem ekki langt að sækja það. Knús til Gulla.

kv

Unnur

[Anna Ólafsdóttir (anno) (IP-tala skráð) 13.8.2008 kl. 20:40]

Dásamlega falleg færsla. Til hamingju með hana - í gær, í dag líka og bara alla daga  

[Kristín Björg Þorsteinsdóttir, 14.8.2008 kl. 13:39]

Takk fyrir fallegar kveðjur stúlkur mínar......þetta var ósköp góður afmælisdagr. Við fórum mæðgur á Ruby Tuesday og fengum okkur að borða. Ég mæli með hot wings þar...

Svo komu vinkonur hennar í heimsókn og hún hitti þær líka síðar um kvöldið. Amma hennar kom með gjöf og frændinn í kjallaranum líka. Og pabbi hringdi frá Kína. Og allar dætur Hannesar bróður hringdu líka. Og svo fékk hún sendingar og meldingar á Facebook og msn

Hún var ósköp ánægð og fór í gær með smá pening og keypti sér maskara.

Við foreldrar gáfum henni rosalega flotta Reebook skó, systir hennar gaf henni J-Lo ilmvatn, hún fékk líka gloss frá okkur foreldrum og Soffía kisa gaf hennni bóluhyljara.

Það gengur dálítið mikið lífið út á föt, snyrtivörur, vinkonur, vini, sléttujárn, skó o.s.frv.... það er hið besta mál