Sjómannadags morgun

Hér er allt ofurhljótt - maki og dætur og kisa sofa enn. Ég var komin á stjá um 08:00 og nýt þess að vera ein á fótum.

Ég er á leið niður í Dómkirkju til að syngja í Sjómannadags messu sem verður útvarpað. Þar sem ég er af sjómönnum komin þykir mér þessi messa alltaf mjög hátíðleg. Og ekki spillir fyrir að á milli sjómannadagsins í ár og þess í fyrra hefur enginn sjómaður drukknað.