Hvað með þessa drauma?

Mig dreymir mikið og margt og allt í lit. Ég þarf lítið að ferðast því ég flýg (já ég flýg sjálf) heimsálfa á milli og til annara hnatta. Þegar ég lá veik heima um daginn þá var þetta viltara en oft áður.

Í nótt dreymdi mig að ég mætti Birni Bjarnasyni. Hann sagðist hafa lesið bloggið mitt og ég væri víst með ljósa lokka þó svo að aðrir segðu svo ekki vera.

Næst er ég komin í stúdíó og heyri þul á rás 1 kynna söngvara (man ekki hvern). Sá kemur inn í stúdíóið með undirleikara sem reyndist vera Viðar Eggertsson sem spilaði allt utanað.

Kom í ljós að hann var í hálfri stöðu sem undirleikari.

Meira um drauma seinna.

Athugasemdir

[Ragnhildur Sverrisdóttir, 2.4.2008 kl. 09:48]

Þú hittir Björn Bjarna, sem kommenteraði eitthvað á að víst værir þú ljóska??!

En svo skrifarðu eins og þú sért sátt við þessa drauma þína?!!

[Kristín Björg Þorsteinsdóttir, 2.4.2008 kl. 14:45]

Ja - verður maður ekki að sætta sig við það sem maður fær ekki breytt!!!

Ekki það að mig langi að dreyma Björn Bjarnason - en svona bara er þetta kona góð - þetta eru sko engir dagdraumar - heldur blákaldur alvarleikinn um miðja nótt