Helgin

Hún byrjaði vel með skemmtilegum Gettu betur þætti og mexíkóskum kjúkling í kvöldmat.

Laugardagurinn var svona stúss dagur. Kóræfing stóð til klukkan 13:30 og þá brugðum við mæðgur okkur í Hagkaup, BT, Sólheimasafnið og Sorpu. Síðan rak ég inn nefið hjá mömmu sem var að lakka hjá á sér neglurnar fyrir matarboð hjá Hannesi bróður mínum.

Saltkjötið og baunirnar hjá máginum voru voru sérlega, sérlega gómsætar.

Mikið naut ég þess í morgun um 10:00 að sitja ein í ró og næði, borða morgunmat og lesa blöðin.

Eftir Silfur Egils þá tók ég mér tusku í hönd og hef svona verið að káfa í kring um mig.

Ari er hjá okkur í smá passi meðan mamman er í leikhúsi.

Kvöldið bíður - Glæpurinn verður sífellt meir og meir spennand þó svo að ég hafi vitað strax í 2. þætti hver morðinginn er. Ég hef staðst freistinguna að fara á danskar vefsíður og fá staðfestingu á grun mínum. Svo veit Siggi Helga samstarfsmaður minn hvernig þessu líkur en ég læt ekki freistast.

Annars er ég frekar fyrir það að falla fyrir freistingum en standast þær. 

Athugasemdir

[Sigurlaug B. Gröndal, 10.2.2008 kl. 22:24]

Góð og notarleg helgi hjá þér Kristín. Sunnudagsmorgnar í ró og næði með kaffibolla og dagblað, klikkar ekki. Hlusta svo á sunnudagsmessuna (ég er svo hrikalega gamaldags) en sem meðlimur í kirkjukórum í áratugi er þetta fastur liður.  Manst þú eftir því Kristín ,hvernig var að fá sér göngutúr á sunnudagsmorgni hér í den og ekki sála úti, algjör ró og maður heyrði aðeins fuglasönginn í görðunum og svo undir hádegi kirkjuklukkurnar. Þetta voru yndislegir morgnar. Það var áður en bílafloti landsmanna þúsundfaldaðist. Það er allaf eitthvað svo yndsilegt við sunnudagmorgna.

[Hildigunnur Rúnarsdóttir, 10.2.2008 kl. 23:35]

bannað að kjafta

[Kristín Björg Þorsteinsdóttir, 11.2.2008 kl. 11:25]

Sigurlaug - ég hlusta sko oft á messu - ef ég er ekki að syngja sjálf niðrí Dómkirkju. Ég fór líka oft með stelpurnar mínar litlar í göngutúr á sunnudagsmorgnum - það var notalegt og pabbinn fékk að sofa og svo voru vaktaskipti þegar heim var komið.

Ég kjafta ekki Hildigunnur........