Þetta vissi Gulli minn sko!

Íturvaxnar konur geta reynst betri kostur þegar kemur að makavali en þær grennri. Ný rannsókn gefur til kynna að þær kunni að vera gáfaðri og að börn þeirra séu einnig gáfaðri en kynsystra þeirra. Í rannsókninni voru um 16 þúsund konur teknar til skoðunar. Niðurstaðan var sú að þær þrýstnari stóðu sig betur á vitsmunaprófi heldur en aðrar og sömuleiðis stóðu börnin þeirra sig betur. Jafnframt leiddu niðurstöðurnar í ljós að því meiri munur sem væri milli mjaðma og mittis því betur stóðu konurnar sig.

Vísindamennirnir halda því fram að árangur þeirra íturvöxnu megi rekja til fitusýra á mjöðmum þeirra. Á því svæði safnast oft saman Omega-3 fitusýrur sem geta bætt vitsmuni kvennana og barna sem þær ganga með. Þær kunni því að vera betri kostur þegar kemur að makavali.

Að því er breska ríkisútvarpið BBC greinir frá, eru sérfræðingar ekki sannfærðir um gildi þessarar rannsóknar. „Það er mjög hæpið að tengja fitusýrur við vitsmuni. Þarna geta aðrir þættir komið inn, eins og stétt viðkomandi eða mataræði,“ segir Martin Tovee hjá háskólanum í Newcastle í samtali við BBC.

Athugasemdir

[Jóhanna Magnúsar- og Völudóttir , 12.11.2007 kl. 14:35]

Ég hef aldrei tilheyrt ,,Petite" deildinni, svo þetta eru bara hinar skemmtilegustu fréttir

[Hildigunnur Rúnarsdóttir, 12.11.2007 kl. 15:46]

hehe, þarna kom sko skýringin á því hvað börnin mín eru helv... klár  

[Inga Dagný Eydal, 12.11.2007 kl. 20:45]

Já ekki nóg að við séum svona helv. fallegar, við erum klárar líka

[Ibba Sig., 14.11.2007 kl. 16:32]

Meira klúðrið hjá mér að bíða ekki aðeins með barneignirnar. Hefði átt mun gáfaðri börn í dag!