Endurvinnslutunnan

Ég er búin að panta eina slíka. Ég hef verið að hugsa um þetta undanfarnar vikur og svo ýtti þessi auglýsinga herferð hressilega við mér.

Nú byrjum við að skola, flokka og setja í glæra plastpoka. Þetta verður stuð. Ég er einhvernveginn algjörlega tilbúin að gera þetta núna. Þegar ég henti fimm dósum undan niðursoðnum tómötum eitt kvöldið þegar ég var að elda þá var mér allri lokið og ákvað að þetta væri gjörsamlega óviðunandi.

Nú þarf að virkja alla fjölskylduna.

Athugasemdir

[Guðrún Magnea Helgadóttir, 9.11.2007 kl. 13:59]

Endurvinnslutunna á að vara við hlið þeirra venjulegu, á öllum heimilum og ókeypis...

[Hildigunnur Rúnarsdóttir, 9.11.2007 kl. 15:36]

hér á bæ er allt mögulegt endurunnið, nema matarúrgangur, mig vantar moltutunnu

[Kristín Björg Þorsteinsdóttir, 10.11.2007 kl. 14:26]

Auðvitað eiga svona tunnur að vera ókeypis við hvert hús. Það hlýtur að vera framtíðin. Varðandi matarúrgang Hildigunnur - hvað getur maður gert. Þetta er náttúrulega það saklausasta sem maður lætur frá sér en enga að síður þá væri gott að endurnýta leifar. Mig langar mest í kvörn í eldhúsvaskinn.