Þetta skil ég vel

Ekki það að við búum í miðbænum en það að búa í Vogahverfinu eins og við og vinna eins og við gerum, annarsvegar í Útvarpinu og hinsvegar í Borgartúninu er alveg gríðarlega þægilegt. Og tómstundastarf barnanna er allt í hverfinu. Við þurfum t.d. ekki að fara út á stofnbrautirnar til að komas í og úr vinnu.

Staðsetning, staðsetning, staðsetning

Athugasemdir

[Bjarni Kjartansson, 16.10.2007 kl. 15:20]

ý á mjög svo góðum stað, Sóleyjargötunni, líður bara vel þar, fyrir utan béfaðan fnykinn frá N1 skyndibitasölu, sem einhverra hluta vegna er kominn þarna við enda Hljómskálagarðsins.

Giska rólegt, nema þegar ríku mennirnir eru að lenda þotum sínum langt eftir miðnætti en það ku allt standa til bóta, ef marka má yfirlýsingar nýrra borgaryfirvalda.

Miðbæjaríhaldið

[Ragnhildur Sverrisdóttir, 17.10.2007 kl. 09:47]

Það eru óneitanlega töluverð lífsgæði að þurfa ekki að aka langar leiðir í vinnu eða þjónustu. Þegar ég vann á Mogga var leiðin að vísu alltaf greið fyrir mig úr Fossvoginum upp í Hádegismóa, enda ók ég þá upp nánast auða Ártúnsbrekkuna á morgnana og niður hana fáfarna síðdegis. Traffíkin á móti mér á þessum tímum var hins vegar skelfileg. Það hlýtur að vera fúlt að búa t.d. í Grafarvogi eða Grafarholti og eyða extra hálftíma í blessaða Ártúnsbrekkuna.