Bónus i Garðabæ

Sá að það á að fara að opna Bónus búð í Garðabæ. Ég vona að Garðbæingar séu það efnaðir að þeir hafi efni á að versla í Bónusi.

Það er nefnilega þannig að margir smáborgarar þora ekki að láta sjá sig í Bónus því þeir eru hræddir um að "hinir" haldi að þeir séu blankir. Þetta er í raun fyndið. Það er algjör della að versla ekki í lágvöruverslunum - hvað sem þær nú heita - allan þennan grunnmat eins og mjólk, osta, morgunkorn, pasta og allt annað sem maður verslar nú þar. Við værum algjörlega á hausnum ef við gætum ekki gert hagstæð innkaup. Ég fer alltaf í svokallaðan litla Bónus sem var sá fyrsti. Þetta er í raun eins og hverfisbúð því þarna hittir maður margt af því skynsama fólki sem maður þekkir.

Athugasemdir

[Jóna Á. Gísladóttir, 7.10.2007 kl. 20:24]

Ertu að meina þetta? Er fólk ennþá í svona pælingum? Hélt í rauninni að eftir að Jóhannes og Jón Ásgeir urðu ríkir og fóru að tilheyra þotuliðinu að það þætti bara cool að versla hjá þeim.

[Jens Guð, 8.10.2007 kl. 02:07]

  Mér er minnistætt þegar að ég var með auglýsingastofu fyrir mörgum árum.  Þá kom þar í heimsókn kona sem að er vel stæð fjárhagslega.  Við vorum að drekka saman kaffi þegar að hún sagðist þurfa að ná í Hagkaup fyrir lokun klukkan 6.  Þetta var fyrir tíma 10 - 11 og 11 - 11.  Konunni var bent á að það væri opið í Bónusi til klukkan hálf 7.  Hún svaraði:  "Ég ætti ekki annað eftir en að láta fólk sjá mig í Bónusi.  Fólk myndi halda að ég væri fátækur vesalingur, hangandi í biðröð á kassa innanum um eintóma lúsera."

[Kristín Björg Þorsteinsdóttir, 8.10.2007 kl. 06:53]

Þetta er nefnilega málið! Einhver gæti haldið að þú þyrftir að versla í Bónus - og það er náttúrulega algjörlega óviðunandi.