Haustlitirnir

Þeir voru fallegir litirnir í Grímsnesinu í dag. Kjarrið skartaði sínu fegursta. Þar sem við keyrðum Biskupstungnabraut blasti Ingólfsfjallið við óvenjulega fallegt. Rautt lyngið féll niður fjallið eins og blóðtaumar.

Umferðin var nokkuð góð og jöfn en mikil. Þó var einn bílstjóri sem ekki treysti sér til að halda meðalhraða og keyrði allt of hægt. Hann hafði næg tækifæri til að víkja og  hleypa bílum framúr en gerði ekki. Það varð til þess að a.m.k.10 bílar fóru fram úr með þeirri hættu sem því fylgir.