Skólatöskur

 Skólarnir að hefjast og ekkert meira spennandi fyrir sex ára barn en að byrja í skóla. Keypt er ný skólataska og kannski líka nýtt pennaveski. Það þarf að velja töskuna vel. Hafa hana þannig að hún passi barninu og sé ekki of stór.

En almáttugur minn! Þurfa töskur sem sex ára börn nota að kosta 11 þúsund krónur!

Mér finnst með ólíkindum að hægt sé að plata fólk þannig að það kaupi töskur sem eiga að bera einhver ósköp. Mín reynsla er sú að í a.m.k. 1. og 2. bekk þá sé lítið annað í töskunni en örfáir blýantar, þunn plastmappa og nestisbox. Flest annað er geymt í skólanum.

Eins eru aðstæður slíkar a.m.k. hér á höfðuborgarsvæðinu að ekki er óhætt að láta 6 ára börn ganga í skólann þó svo að slíkt sé afar æskilegt.

Niðurstaða mín er þessi: rándýr skólataska með tveim blýöntum og barn keyrt í skólann.

Látum ekki plata okkur!!!!!!!!

Athugasemdir

[Hildigunnur Rúnarsdóttir, 15.8.2007 kl. 13:06]

ég keypti svona dýra tösku í fyrra handa Finni.  Eins gott að hún dugi eitthvað áfram...

En hann gengur nú reyndar alltaf sjálfur í skólann. 

[Ragnhildur Sverrisdóttir, 20.8.2007 kl. 10:58]

Við fengum fínar töskur fyrir stelpurnar á 3.000 kall stykkið. Þær virðast alveg sambærilegar við þessar vinsælustu hérna. En voru keyptar í Köben, sem skýrir auðvitað verðmuninn. Íslendingar virðast láta bjóða sér hvað sem er. Og ég efast ekki um að verðlagningin hér á landi er undarleg. Verslunareigandi, sem tekur upp á því að flytja inn skólatöskur, lítur í kringum sig, sér að fólk kaupir töskur á 11 þúsund og skellir þeim verðmiða á sínar töskur líka. Þótt þær gætu kostað 3.000 kall.

Það fer líka óskaplega í taugarnar á mér að sjá hverja heilsíðuauglýsinguna eftir aðra, þar sem alls konar skóladót er auglýst og aldrei nokkurn tímann upplýst um verð á nokkrum hlut.

[Vælan (IP-tala skráð) 26.8.2007 kl. 15:47]

ha? það er nú víða sem börn geta gengið í skólann, mín stelpa þarf t.d. bara að fara yfir eina götu þar sem er alveg svakalega góð gangbraut, mjög áberandi með stórum hraðahindrunum báðum megin þannig að allir bílar stoppa.

Mín labbaði oft í skólann í fyrra 6 ára.. kannski ekki alveg fyrstu dagana en oft eftir það!