Leifsstöð

Samkvæmt fréttum þá fjölgar farþegum sem koma í Leifsstöð stöðugt. Mikið vona ég að þeir fái betri móttökur en ég þegar ég var á ferð þar fyrir skömmu.

Þetta var sunnudagseftirmiðdagur og við tókum síðasta flug úr stöðinni klukkan 18:10. Eftir það fór engin vél í loftið. Allar búðir voru opnar og allt í lagi með það. En þegar koma að því að fá sér að borða þá kárnaði gamanið.

Við vorum í flugi þar sem ekki var boðið upp á mat og ákváðum því að fá okkur kvöldmat í flugstöðinni. Þar var næstum ekkert að fá. Hvergi var að sjá að hægt væri að kaupa almennilegan mat. Við fórum því í einhverja búllu og þar voru ekki einu sinni til hamborgarar. Til voru þrjár sveittar pizzusneiðar sem haldið var heitum í ofni.

Við enduðum á að kaupa okkur sérlega daprar, braðlausar brauðsneiðar af grillinu með máttlausum fölum frönskum með.

Þetta var vægast sagt ákaflega dapurt.

En barirnir voru opnir....

Athugasemdir

[Ragnheiður Ólafía Davíðsdóttir, 6.6.2007 kl. 10:46]

Ljótt er að heyra. Ekki sjaldan sem við erum okkur til skammar á alþjóðavettvangi.