Alls ekki frétt

Það er þessi frétt stöðvar tvö að Steingrímur J. vilji fjölga bruggverksmiðjum. Þeir sýndu Steingrím í Kastljósi sjónvarpsins. Þar tekur Steingrímur bruggverksmiðjuna í Eyjafirði sem dæmi um atvinnutækifæri. Nefnir ekki einu orði að hann vilji fjölga bruggverksmiðjum.

Svo sögðu þeir að þetta væri skrýtin afstaða hjá Steingrími þar sem hann vildi 1988 ekki leyfa sölu bjórs.  Halló - það eru nær 20 ár síðan greitt var atkvæði um málið á Alþingi.

 

Athugasemdir

[Púkinn, 6.5.2007 kl. 12:51]

hann er núkannski bara eldri og þroskaðri..

[Kristín Björg Þorsteinsdóttir, 6.5.2007 kl. 16:15]

Já akkúrat-  hann hlýtur að hafa leyfi til að skipta um skoðun á 20 árum..

[Anna Ólafsdóttir (anno) (IP-tala skráð) 6.5.2007 kl. 16:29]

Hjartanlega sammála þér Kristín. Mér finnst svona upprifjanir á 20 ára skoðunum alltaf hálfhallærisleg og ótrúverðug leið til að gera menn og konur ótrúverðug. Stöð 2 dettur að mér finnst oftar en aðrir fjölmiðlar í þennan fúla pytt.

[hildigunnur (IP-tala skráð) 7.5.2007 kl. 08:53]

Það þarf alltaf að grafa þetta upp, eins og ég sagði við kunningja minn: ef þetta er það eina sem þú hefur á móti manninum, er það nú ekki mikið eða merkilegt.

[Ragnhildur Sverrisdóttir, 7.5.2007 kl. 10:47]

Málefnaleg umræða íslenskra stjórnmála í hnotskurn

[Pálmi Gunnarsson, 7.5.2007 kl. 11:38]

Er ekki verið að huga að því að mála fálkann grænan - menn skipta nú um skoðun og lit

[Ár & síð, 7.5.2007 kl. 15:43]

Mikið óttalega hlýtur sá maður að vera forstokkaður þvergirðingur sem aldrei skiptir um skoðun á ævinni.