Helgin - alveg að verða búin.

Þetta hefur verið frábær helgi. Við komum heim í gær eftir að hafa verið í bústað síðan á fimmtudag. Þar var etið, drukkið, lesið, spjallað, flissað, eldað. Allt saman nauðsynlegt í önn dagsins. Það var einhver gestagangur - en allt dásamlegt. Það er af sem áður var þegar sumarbústaðar húsmæður stóðu og steiktu vöfflur og pönnukökur fyrir þá sem fóru í sunnudagsbíltúra út fyrir bæinn.

Við borðuðum kjöt þrjá daga í röð og er það að ég tel persónulegt met. Enda var gott í gær að skella ólífum og hvítlauk í matvinnsluvélina, sjóða pasta og rífa nýjan parmesan. Nammi nammi namm.

Ofan í kjötneysluna kom all hrikalegt pásaeggja át í gær. Þessi ofneysla varð til þess að hér á heimilinu var gefin út storm viðvöun og mengun var yfir hættu mörkum. Þetta er þó allt að ganga niður. Eða þannig.

Í kvöld ætla ég á Björk í Höllinni og hlakka mikið til. Ég sá Björk síðast 1994. Ég ætla að vera upp við sviðið og láta öllum illum látum Enda komin á 50. aldursárið og ekki seinna vænna að sletta ærlega úr klaufunum...... 

Athugasemdir

[Hildigunnur Rúnarsdóttir, 9.4.2007 kl. 16:38]

góða skemmtun, og vinkaðu til Wonder Bras(s) stelpnanna fyrir mig (flestar núverandi eða fyrrverandi nemendur mínir)