Heitmeyjar - konur á öllum aldri

Ég þekki einn ágætan mann sem verður 80 ára nú í september. Hann varð ekkill fyrir 17 árum þegar kona hans, sem ekki var orðin 60 ára, dó eftir stutt veikindi. Hennar var sárt saknað af fjölskyldu og vinum og ég hugsa oft til hennar.

Fáum árum síðar endurnýjaði maður þessi kynni sín af konu sem var ekkja eftir samstúdent hans og nokkrum árum yngir en hann. Þau urðu fljótlega par og allir voru voða lukkulegir og ánægðir að sjá hvað maðurinn var glaður vegna þessara endurnýjaða kynna og svo kunnu allir vel við konuna.

Um daginn spurði ég hann hvernig konunni liði en hún hefur verið veik.

"Heitmey mín - ertu að spyrja hvernig heitmey minni líður"

Þetta fannst okkur öllum rosalega sætt -  það hlýtur að vera gaman að vera heitmey á áttræðisaldri og að eiga heitmey tæplega áttræður

Athugasemdir

[Sigurður Þórðarson, 5.4.2007 kl. 15:12]

Allur aldur hefur sinn sjarma. Þetta fær mann til að brosa. Takk.