Hlæja/gráta/vorkenna/fordæma

Ég fer stundum inn á síðu Jóns Vals Jenssonar. Eins og í dag þegar ég sá vitnað í hann á mbl.is.

Ég hef stundum orðið mjög reið þegar ég les bullið og vitleysuna sem skrifar. En núna eiginlega vorkenni ég manninum því honum hlýtur að líða mjög illa. Hvernig hann getur úthúðað samkynhneigðum bara fyrir kynheigð sína er mér óskiljanlegt. Hefur einhver samkynhneigður einhvern tímann gert honum eitthvað annað en að vera hommi eða lespía? Varla hefur nokkur hommi girnst líkama hans! Þetta átti að vera brandar......

En hann á líklegast eftir að skrifa áfram. Lofum honum það. Það tekur hvort eð er enginn marka á svona tuði í beiskum kalli. 

Athugasemdir

[Sigurður Karl Lúðvíksson, 30.3.2007 kl. 15:16]

Ég svaraði honum þessu rugli sem hann var að skrifa og spurði hvort hann teldi sig vera guð og geta verið að fetta fingur út í hver fær að lifa og hver ekki út frá verulega brenglaðri siðferðisvitund. Bölvaður hræsnari þessi gaur. Hann tók færsluna út þar sem hún eflaust var of nærri sannleiknum.

[Jens Guð, 30.3.2007 kl. 15:17]

Það er engin ástæða til að reiðast yfir bullinu í Jóni Vali.  Þvert á móti gefur það tilefni til að hlægja hressilega.  Það er eitthvað afbrigðilega sprenghlægilegt við að þessi maður fái flogakast og blóðnasir í hvert sinn sem hann heyrir samkynhneigð nefnda.  Daglega "sörfar" hann klukkustundum saman á netinu í leit að öllu lesefni um samkynhneigð.  Hann pantar í pósti allstaðar að í heiminum heilu staflana af bókum um kynhneigð fólks.  Hann sankar að sér tímaritum sem innihalda greinar um þetta.  Um leið og einhver minnist á samkynhneigð á Útvarpi Sögu hringir Jón Valur inn, nær varla andanum fyrir æsingi en vitnar í ótal rannsóknir,  Biblíuna og klámblöð. 

[Sigurður Karl Lúðvíksson, 30.3.2007 kl. 15:40]

Það er alveg rétt hjá þér Jens, maður á alls ekki að vera æsa sig yfir svona blöðrum. Þeir eru hinsvegar hluti að þjóðfélaginu og koma sínum brengluðu sjónarmiðum jafnvel stundum inn á þing. Það er hreinlega ógeðfellt .

[Brynja Hjaltadóttir, 31.3.2007 kl. 00:17]

Fólk sem hefur á móti samkynhneigð er það fólk sem er ekki visst um eigið kynferði. Og hana nú.

[Kristín Björg Þorsteinsdóttir, 31.3.2007 kl. 12:49]

Kannski á maður bara að hlæja og æsa sig ekki - en hvað líður samkynhneigðum undir málflutnigi Jóns? Hvernig líður börnum samkynhneigðra? Það væri gaman að fá viðbröð þeirra......

[Jens Guð, 2.4.2007 kl. 02:36]

  Ég er gagnkynhneigður og get þess vegna hlegið að öfgafullum flogaköstum Jóns Vals.  En ég tek undir með Brynju að það er eitthvað "spúkí" við það þegar menn eins og Jón Valur fara á límingum við sakleysislegt orð eins og samkynhneigð.  Manneskja sem er ekkert viðkvæm fyrir sinni kynhneigð á ekki að fara í klessu í nævist fólks með aðra kynhneigð.  Þvert á móti.  Þegar ég lendi í partýum með hommum fagna ég því að þeir séu ekki að eltast við sömu konur og ég. 

Það er mjög gott hjá þér,  Kristín skólasystir mín,  að taka þetta mál upp.  Málflutningur Jóns Vals er viðurstyggð og kemur klárlega illa við ungt fólk sem er að uppgötva sis sem samkynhneigt.  Við erum komin 7 ár inn á 21. öldina.  Félagslegur þroski á að vera til samræmis við það.  Kynhneigð skiptir ekki meira máli en augnlitur,  hárlitur eða húðlitur.  Mér er svo nákvæmlega sama hver kynhneigð minna barna,  vina eða ættingjar er.  Að öðru leyti en því að ég styð alla sem standa með sjálfum sér hver sem kynhneigðin er.