Anno 1972

Þetta er hún ég á fermingardaginn minn 3. apríl 1972. Ég fermdist í Kópavogskirkju í fyrsta fermingarbarnahópi Sr. Árna Pálssonar. Ég hafði nú ákveðnar hugmyndir hvernig ég vildi hafa hlutina og vildi hvorki vera með slöngulokka né blóm í hárinu. Á þessum tíma fóru fermingarstúlkur á laugardegi til að fá rúllur í hárið og svo var greitt úr og túberð og krullað á fermingardeginum. Ég man þá kvöl og pínu að þurfa að sofa með rúllur í hárinu. Ég vildi ekki bandaskó en keypti mér góða götuskó. Foreldrar mínir létu mig algjörlega um þetta. Lítil og sæt veisla var haldin heima hjá okkur í Hófgerðinu og komu nánustu ættingjar og glöddust með okkur. Ég fékk 4 hringi, tvo svefnpoka, píanóstól og pening. Mér finnst gaman að rifja þetta upp nú þegar fermingardagur stelpunnar minnar nálgast.

Athugasemdir

[Brynja Hjaltadóttir, 15.3.2007 kl. 23:26]

Það var frábært að fermast. Flottar myndir en maður gæti nú frekar trúað að þú værir rösklega tvítug frekar en 14 ára á þessum myndum. Það gerir þessi skemmtilega hárgreiðsla  Maður sæi stelpurnar í dag með svona greiðslu..ég var ein af þessum með slöngulokkana og blómið

[Maja (IP-tala skráð) 18.3.2007 kl. 14:32]

Glæsileg fermingarstúlka!  Eins og ég hef áður sagt og sést mjög vel á þessari mynd:  Mikið er hún Bryndís lík þér.  Mér finnst Anna aftur alveg eins og Gulli. Kv.  Maja 

[Beta (IP-tala skráð) 19.3.2007 kl. 12:49]

frábært hár, flottar myndir

kv,

baun

[Hafdís Erla (IP-tala skráð) 20.3.2007 kl. 20:18]

Í sakleysi mínu skoðaði ég vefinn og sá nafn inn á síðu sem kannaðist við. Ég smellti á nafnið, önnur síða kom upp, tvær myndi blöstu við og í vinstra eyrað mitt var hrópað  "mamma sjáðu, þessi er alveg eins og Bryndís".

Gangi ykkur vel og góða skemmtun í fermingunni.

Kveðja,

Hafdís Erla og Agla Sól

[Ásta Ragnheiður Jóhannesdóttir, 21.3.2007 kl. 01:03]

Flott ertu skvísa.

 Ásta-R.kveðja Kristín mín

[Kristín Björg Þorsteinsdóttir, 21.3.2007 kl. 06:53]

Já - það er þetta hvort hún Bryndís líkist mér eða ekki. Mörgum finnst Anna alveg eins og ég en öðrum eins og pabbi hennar. Mér hefur alltaf fundist Anna líkjast mér en Bryndís hvorugu okkar lík. Nema þá helst Önnu Soffíu ömmu sinni. María Heba - bíddu bara þar til þú sérð boðskortið - þar er mynd af Önnu lítilli - en gæti eins verið Ari Dignus.....