18 ár

Já ótrúlegt en satt - við hjónin eigum 18 ára afmæli í dag. Við vorum bæði starfsmenn sjónvarpsins á þessum tíma og höfðum eitthvað horft hvort á annað og fengið okkur stöku rettu saman. Svo var það í húsin einu við Tryggvagötuna að við ákváðum að ganga saman út í nóttina og sú nótt stendur enn. Við hófum búskap í byrjun maí þetta sama ár, það var eftir engu að bíða. Fyrsta íbúðin okkar var á Öldugötunni - í kjallaranum á Öldugötu 30a. Gamalt hús með þykka veggi. Við giftum okkur 21. júní 1991. Þegar ég gekk með eldri dóttur okkur 1993 festum við kaup á frábærri íbúð við Fálkagötu og þar vorum við til ársins 1998 þegar við fluttum á æstuheimili Gulla í Vogahverfinu. Þar erum við enn 

Ég er enn skotin í honum Gulla mínum - að ég tali nú ekki um hvað ég elska hann

Athugasemdir

[Hulda Elma Guðmundsdóttir, 12.3.2007 kl. 15:46]

Til hamingju með daginn bæði tvö.

[Guðríður Hrefna Haraldsdóttir, 12.3.2007 kl. 18:27]

En sætttttt! Innilega til hamingju með daginn. Maður fer nú að trúa á líf eftir hjónaband þegar maður les svona ...

[ká (IP-tala skráð) 12.3.2007 kl. 18:37]

Hjartanlega til hamingju, að ég skuli nú ekki hafa vitað af þessu áðan. Njótið þið dagsins

Bæjó

Ká

[Brynja Hjaltadóttir, 12.3.2007 kl. 20:19]

Til hamingju með daginn

[Hildigunnur Rúnarsdóttir, 12.3.2007 kl. 21:13]

til hamingju með daginn

[Bergþóra Jónsdóttir, 15.3.2007 kl. 00:05]

Til hamingju með daginn bæði tvö, þótt hann sé liðinn.  Vonandi endist Tryggvagötunóttin ykkur í önnur átján ár, og svo önnur átjan og svo aftur átján.... og miklu lengur en það...

[Gunnlaugur Þór Pálsson (IP-tala skráð) 23.3.2007 kl. 15:10]

ég líka  g

[S.A. (IP-tala skráð) 25.3.2007 kl. 15:32]

Ég þekki þig ekki neitt, svo ég viti, og þú mig ekki heldur. Ég rambaði inn á síðuna þína fyrir algjöra tilviljun á sunnudagsbloggrúntinum mínum gegnum aðrar síður.

Foreldrar mínir hófu sinn búskap í kjallaraíbúðinni á Öldugötu 30a snemma á áttunda áratugnum (kringum 1972). Búskapurinn gekk vel og þau áttu 35 ára brúðkaupsafmæli í vetur, svo spurningin er hvort fyrstu dásemdarárin á Öldugötunni eigi einhvern þátt í því? 

S.Á. 

[Kristín Björg Þorsteinsdóttir, 26.3.2007 kl. 10:17]

Greinilega gott að byrja búskap í þessari dásamlegu íbúð!! Voru þau kannski með kött/ketti? Við áttum þá nokkra meða við bjuggum þarna.....