Liðið er hátt á aðra öld....

Ekki kannski alveg en það er liðið mjög vel á hálfa öld hjá þeirri er þetta skrifar því á þessum degi árið 1958 fæddist lítil snót þeim hjónum Kristínu Pálsdóttur frá Hnífsdal og Þorsteini Hannessyni frá Siglufirði. Fyrir á heimilinu var Páll þá þriggja ára sem starfar nú sem almannatengill og þrem árum eftir að ég kom í heiminn fæddist Hannes sem starfar sem skrifstofustjóri hjá stéttarfélagi hér í bæ.

Ólumst við systkinin upp rétt undir vegg Kópavogskirkju í Hófgerði númer 26. Þá var nú stuð því Kópavogurinn var svaka mikill barnabær á þessum tíma.

En nú er æskan liðin og miðaldurinn líður hratt, hratt. Og það verður víst ekki aftur snúið þegar litli bróður manns - já litli bróður er að verða fjörutíu og sex ára. Þá er nú fokið í flest skjól.

Ekki hygg ég á veisluhöld enda sjaldan haldið upp á afmælið mitt. Ég reikna þó með að fá gott að borða og hugsanlega rauðvinsglas eða tvö.......

Athugasemdir

[Guðríður Hrefna Haraldsdóttir, 8.3.2007 kl. 09:13]

Mig langar að minna þig á að Madonna er fædd 16. ágúst 1958 og Michael Jackson er líka fæddur sama ár ... en 29. ágúst! Bara benda þér á það áður en þú kaupir þér göngugrindina!!!

[Hildigunnur Rúnarsdóttir, 8.3.2007 kl. 09:41]

Innilega til hamingju með daginn, elsku Kristín Björg mín

[Kolbeinn Marteinsson (IP-tala skráð) 8.3.2007 kl. 11:24]

Til hamingju með afmælið Krístín.

Krúttrassinn verður 34 ára á þessu ári. 

 Pældu í því

[Kristín Björg Þorsteinsdóttir, 8.3.2007 kl. 11:28]

Já krúttrassar eldast víst líka! Ég sé þig nú samt fyrir mér á teppi í garðinum á Hófgerði 26 sumarið 1974 hálfs árs gamlan. Glampandi sól og þú á bossanum með mér og Dinnu. Þú ert jafn sætur nú og þá....

[Eva Gunnarsdóttir, 8.3.2007 kl. 11:44]

Til hamingju með afmælið elsku Kristín mín :)

Bestu kveðjur frá Sturluhóli

[Sigurður G. Tómasson, 8.3.2007 kl. 13:30]

Til hamingju Kristín mín!

Kom fyll þitt glas, lát velta á vorsins eld, þinn vetrarsnjáða yfirbótafeld! Sjá tíminn það er fugl sem flýgur hratt, hann flýgur máke úr augsýn þér í kveld, segir Magnús Ásgeirsson í snilldarþýðingu sinni á Rubayat eftir Kayam.

[Ragnheiður Thorsteinsson (IP-tala skráð) 8.3.2007 kl. 16:25]

Til hamingju með daginn þinn kæra vinkona og meigi hann vera þér till happs og ?(mig langar að segja eitthvað dónalegt en kann ekki við það svona á netinu) kær kveðja Ragga Thorst

[auður (IP-tala skráð) 9.3.2007 kl. 09:44]

Til hamingju með afmælið :)

Kveðja Auður L

[Kristín Björg Þorsteinsdóttir, 9.3.2007 kl. 09:54]

Takk elskurnar mínar fyrir hlýjar og fallegar kveðjur....