Should I stay or should I go?

Mér skapi næst að yfirgefa Vinstri græna endanlega. Ekki hef ég alltaf verið hrifin af starfinu þar; var t.d. mjög ósátt eftir borgarstjórnarkosningarnar. En núna er ég alveg standandi hissa. Auðvitað þarf að klára umræðuna um Evrópusambandið! Mér hefur hingað til fundist afstaða VG til Evrópumála vera nokkuð þroskuð - hjá íhaldinu má ekki ræða þessi mál og þöggunin er algjör og Samfylkingin vill greinilega hoppa upp í hjá Evrópusambandinu hvað sem tautar og raular. Afstaða VG hefur verið sú að við eigum að fá að kjósa um það hvort við viljum vera með eða ekki. Eftir að við vitum upp á hvað er boðið. En núna vilja þar sumir hreinlega hætta viðræðum. Það verður að fá botn í þetta mál og lofa okkur að kjósa.

Athugasemdir

[Gunnar Heiðarsson, 24.10.2010 kl. 13:22]

Samþykkti VG ekki að fara skyldi fram kosning um viðræður? Var ekki VG með svokallaða tvöfalda kosningu í sinni flokkssamþykkt?

Varðandi það atriði sem mjög er haldið á lofti, að nauðsynlegt sé að sjá hvernig samning við getum fengið, þá eru þau rök í besta falli hlægileg. Það liggur fyrir hvað er í boði. Einungis mun verða hægt að frestanir á einhverjum veigalitlum málum, frestanir til skamms tíma. Í öllum megin atriðum verðum við að undirgangast samþykktir ESB óbreyttar, enda annað nánast útlokað í framkvæmd af þeirra hálfu.

Þar að auki vitum við ekki hverjar breytingar verða á þessu bákni, það er þó vitað að Lissabonsamningurinn veitir framkvæmdastjórninni mikil völd og í krafti þeirr hafa þeir þegar gert margar grundvallar breytingar og geta, ef þeir vilja, gert mun meira.

Má þar nefna til dæmis stofnun forsetaembættis, kröfu um samþykki sem þjóðríki hjá Sameinuðu þjóðunum og síðast en ekki síst hótanir um að aðildarþjóðir geti misst atkvæðarétt sinn ef ekki er farið eftr því sem framkvæmdastjórnin segir, í einu og öllu. Þetta eru aðeins fáein dæmi.

Það er ekki gott að segja hvort þú eigir að vera eða fara. Ekki er enn ljóst hvor fylkingin innan VG mun hafa vinningin, sú sem vill standa við gefin loforð eða sú sem tekur völd fram yfir heilindi.

[Sigurður Þórðarson, 24.10.2010 kl. 13:54]

Sæl Kristín, það er ekkert sem heitir að klára þetta.

Ef þjóðin er enn með sæmilega rænu mun hún greiða með miklum mun atkvæði gegn aðild og afsali fiskveiðiauðlindarinnar.  Slík atkvæðagreiðsla er þó ekki bindandi eins og þú veist.  En þá fyrst byrjar suðið íEB-sinnum eins og dæmin sanna. Á Írlandi var Lissabonsáttmálinn samþykktur í þriðju tilraun  Norðmenn hafa jafn oft hafnað aðild og guð má vita hvað þeir þurfa að gera það oft áður en sambandið dagar uppi.