Grasrótin blífur!!!

Flott hjá dr. Gunna!!! Ekki skal vanmet einstaklingsframtakið.

Dr Gunni fær neytendaverðlaun

Heiðmörkin

Það var gaman hjá okkur í gær í Heiðmörk. Þar hittust sjöundu bekkingar Vogaskóla ásamt foreldrum og systkinum. Vorum þar milli 18:00 og 20:00 og verðrið var fínt. Við grilluðum og lékum okkur. Ein mamman og pabbinn komu með spil sem er sænskt og heitir Kubb. Svona gamaldags keila.

Mikið er nú dásamlegt að hafa aðgang að grilli og leiktækjum svona rétt við bæjardyrnar. Nú er sko aldeilis komið vor - ef ekki bara sumar.

Annars finnast mér svona dagar langir. Vaknaði í gær klukkan sjö og var mætt til vinnu fyrir níu. Var hér til korter yfir fimm. Þá í Bónus að kaupa á grillið. Beint upp í Heiðmörk. Var komin heim klukkan hálf níu. Hefði þurft að stússast en hafði ekki orku. Og upp klukkan 05:50 í morgun......jæja svona er lífið - og helgin var róleg og góð.....

Umræðan erfið?

Bíðið hæg - ef umræðan hefur verið þeim erfið, hefur þá ekki frammistaða þeirra verið okkur borgarbúum erfiðari? Umræðan er afleiðing gjörða þeirra og ekkert annað!

Umræðan Sjálfstæðisflokknum afar erfið

Dómkórinn í Meissen

Fyrir framan æskuheimili Marteins í Meissen

Ævintýraleg veislumáltíð

Við hjón fórum á Sjávarrétta kjallarann í Aðalstræti í gær og hvílík máltíð!

Við fengum gjafabref frá samstarfsfólkí mínu sem við buðum í 100 ára afmælið og það var svokallaður Exotic menu. Sem svo sannarlega stóð undir nafni.

Og umhverfið allt er svooooo flott og smart og góð þjónusta. Allskonar fiskur, önd, engifer, ávextir og ís. Hvítvín og kaffi og koníak.

Við röltum áleiðis á Næsta bar en í miðju Austurstræti vorum við  sammála um að dagur væri að kveldi komin og við værum best geymd heima hjá okkur. Enda var Gulli að vinn til klukkan 20:00 og ég hafði fjóra morgna vikunnar vaknað fyrir 06:00.

Hér hljómar dásamleg tónlis, ekki get ég kvartað undan tónlistarsmekk dætranna. Frá herbergi annarar syngur Dolly Parton bænina sína til Joline og úr hinu herberginu hljómar nýja lagið frá Coldplay í bland við gömlu lögin þeirra.

Smokkasöngurinn

Ég bý við eina slíka

Ég bý við skólalóð Vogaskóla og þar stendur nú sem betur fer til að gera skurk í leiksvæðismálum. Í mörg, mörg ár hefur lóðin verið afar slæm. Fyrst var þar allt fullt af auka skólastofum og síðan tóku framkvæmdir við nýbygginguna við.

En núna verður allt gert voða fínt - og það sem meira er er að það er meira að segja beint fyrir utan stofugluggann okkar. Þar víkur nú bílastæði og í staðin koma litskrúðug leiktæki og hlæjandi börn. Því ber að fagna

„Skólalóðir útundan í langan tíma“

BFG

Í leikriti einu ágætu eftir Hlín Agnarsdóttur var þetta hugtak notað yfir kalla sem ekki höfðu tappað af í langan tíma og voru þess vegna sérlega geðstirður. Mér datt þetta svona í hug þegar ég var að lesa Andrés Magnússon um daginn. Þvílík gremja!

Nú óskapast hann yfir því að eigendur Fréttblaðsins skuli gefa lesendum einhverskonar töskur til að nota þegar henda á blaðinu. Það er reyndar yfirvarp hjá honum því í bloggi hans fer ekki á milli mála að honum er sérlega illa við að blaðinu skuli vera dreift án áskriftar. Það mætti halda að hann væri vinstri maður, því skilgreining Hannesar Hómsteinar er á þá leið að hægri menn séu ligeglad en þeir vinstrisinnuðu hafi allt á hornum sér.

Annars sér maður í gegnum þetta hjá Andrési. Hann þolir ekki að vondu kallarnir geti gefið út blað til höfðs Morgunblaðinu. Auðvitað á bara að vera eitt gott flokksmálgagn og ekkert tuð. Það er líka alveg hræðilegt til þess að hugsa að lesendum "húsmóður í vesturbænum" skuli fækka og fækka.

 

Góð mynd

Ég get svo sannarlega mælt með Forgetting Sarha Marshall. Ég og sú eldri fórum um daginn og skemmtum okkur konunglega.

Laugardagurinn

Þetta hefur verið fínn dagur. Bryndís fór snemma og keppti í karate. Pabbi hennar fór með svo ég gat sofið dáítið lengur. Ekki var kóræfing í dag en nóg að stússast. Ég og dæturnar hættum okkur í Holtagarða en þangað hef ég ekki komið fyrr. Mig langaði að kíkja á Stubbasmiðjuna hennar Nönnu Kristínar en hann Ari minn hefur verið að módelast í auglýsinum fyrir búðina. Rauðhærður engill. Þetta er hin flottasta búð. Þarna uppgötvaði ég að Eymundsson er búið að opna og það er nú aldrei leiðinlegt að koma í bókabúð. Og þarna er bókakaffi. Mjöööööög rólegt þarna....

Ég keypti í matinn því ég á von á mömmu, mági mínum og Wincie í mat. Ég er búin að skera og steikja - með diggri hjálp dætranna - í dýrindins kjúkingasúpu og svo ætla ég að hella dálitlu hvítvíni í fólkið. Við skárum líka heilt kíló af jarðarberjum niður og blönduðum saman við bláber og það verður borið fram með rjóma sem eftirmatur.

Á morgun ætla ég að tjilla ærlega. Ég er enn þreytt eftir ferðina því ferðadagarnir voru nokkuð strembnir. Það stóð til að hafa hér íþróttadeilda partý daginn eftir að við komum heim en því var frestað fram á næsta föstudag. Þá verður hér stuð, stuð, stuð...