Dagurinn í dag

Mikið vildi ég óska að allir dagar væru góðir. Þessi er svosem ekkert sérlega vondur en mér leiðist 17. júní. Mér fannst alveg svakalega gaman þegar stelpurnar voru litlar - mjög litlar - að fara í bæinn en óþolandi þegar þær eltust aðeins. Þetta var alltaf eitthvað svo frústrerandi. Bið í 40 mínútur eftir að fá að renna sér í uppblásnum leiktæki í Hljómskálagarðinum. Sárir fætur. Þreyta og eitthvað í loftinu - einhverjar væntinar sem urðu ekki að neinu. Stór kámugur sleikjó um hálsinn og fínu fötin öll klesst og kramin. Það var þó snöktum skárra að vera með þær á Rútstúni í Kópavoginum heldur en niðrí miðbæ Reykjavíkur.

 Við ætlum gamla settið að fara í göngu á eftir í Heiðmörkinni. Vonandi tekst að fá þá eldri með í smá sving.

Og í kvöld er það svo sannarlega Stikkfrí í sjónvarpinu.

Skrifað í dag - vistað núna.

Athugasemdir

[Jens Guð, 19.6.2009 kl. 02:02]

  Ef ég man rétt var dóttir þín í hlutverki í  Stikkfrí.  Hvaða hlutverk var það?  Ég sá myndina í gær.  Fín mynd og Ari Kristjánsson er skólabróðir minn úr Myndlista- og handíðaskóla Íslands.

[brynhildur birgisdóttir (IP-tala skráð) 19.6.2009 kl. 23:41]

mikið er ég sammála þér Kristín um 17.júní....ég man gömlu góðu dagana í Kópavoginum

kv. Binna